სასწავლებლის ფსიქოლოგი ეხმარება ბავშვებს ასაკობრივი კრიზისების გადალახვაში, არჩევს, თვალყურს ადევნებს სწავლების ისეთ მეთოდებს, რომლებიც უზრუნველყოფს ბავშვის პიროვნულ განვითარებასა და მასწავლებელთა პროფესიულ ზრდას.

ფსიქოლოგის კაბინეტში განსაკუთრებით მნიშვნელოვანია შემოქმედებითი პროცესი - ხატვა, რომელიც ბავშვს ეხმარება თავისუფლად გამოხატოს განცდები, გაუცნობიერებელი შინაგანი კონფლიქტები, განივითაროს წარმოსახვისა თუ ფანტაზიის უნარები, ობიექტურად აღიქვას სამყარო, აიმაღლოს თვითშეფასება.