ჩვენი სასწავლებლის სპორტული პროგრამა მოიცავს სხვადასხვა სექციას - ჭადრაკი, კარატე, კალათბურთი, მაგიდის ჩოგბურთი, სპორტული თამაშები. სექტემბრიდან იგეგმება სპორტის რამდენიმე სახეობის - მათ შორის კრივის, ძიუდოს, ფრენბურთის, მხატვრული და სპორტული ტანვარჯიშის დამატება. სპორტულ პროგრამაში გათვალისწინებული იქნება რაგბის სექციაც - ჩვენი სასწავლებლის მოსწავლეები ივარჯიშებენ ერთ-ერთ საუკეთესო საბავშვო გუნდში ”ხულიგანა”. სკოლის მახლობლად შენდება აუზი და საჯინიბო, დარბაზში მონტაჟდება საცოცი კედელი. შესაბამისი სპორტული პროგრამები ითვალისწინებს მოსწავლეების ასაკსა და ფიზიკურ შესაძლებლობებს.