იაკობ გოგებაშვილის სახელობის სასწავლებელში დღეს გაიმართა შეხვედრა ცნობილ ქართველ პოეტთან, რეზო ამაშუკელთან. მოსწავლეებმა ნახეს ნაწყვეტები რეზო ამაშუკელის იუბილისადმი მიძღვნილი ფილმიდან, წაიკითხეს წინასწარ მომზადებული ლექსები. პოეტი დიდხანს ესაუბრა ბავშვებს, უპასუხა მათ შეკითხვებს. ბავშვებმა შეიტყვეს, რომ ბატონი რეზო ამასთანავე არაჩვეულებრივად უკრავს, და მათივე თხოვნით, პოეტმა რამდენიმე ნაწარმოებიც შეასრულა როიალზე.