იაკობ გოგებაშვილის სახელობის სასწავლებელი მდებარეობს დაბა კიკეთში – ეკოლოგიურად სუფთა გარემოში. სასწავლო კომპლექსი შეესაბამება საერთაშორისო სტანდარტებს. მოსწავლეებსა და მასწავლებლებს ემსახურებათ კომფორტული ავტობუსები. ჩვენთან დაცულია თითოეული ბავშვის უსაფრთხოება.

სასწავლებელში მუშაობენ გამოცდილი პედაგოგები და აღმზრდელები. კეთილმოწყობილი კაბინეტები და ლაბორატორიები გათვლილია ინდივიდუალური და ჯგუფური მუშაობისათვის. უახლესი ტექნიკითა და ინვენტარით აღჭურვილი სპორტული, სააქტო დარბაზები, მდიდარი ბიბლიოთეკა სრულყოფილ სასწავლო გარემოს ქმნის.

მოსწავლეები სრულად არიან ჩართულები სასწავლო პროცესში. ჩვენთან ყველა პირობაა შექმნილი იმისათვის, რომ მასწავლებლებმა მუდმივად სრულყონ თავიანთი პროფესიონალიზმი. საინტერესო და სახალისო  სპორტული, შემეცნებითი და შემოქმედებითი წრეები ხელს უწყობს მოსწავლეების მრავალმხრივ განვითარებას.